broken

the three-legged chair
awkwardly slouches
in anguished anticipation
for something
or someone
to embrace its comfort  of rest;
having three more limbs to offer -

but alas
the one limb missing
scares everyone away

Insomnia

'n Maan
en Venus
staar
na mekaar

her crying is
inwards

geen drup
word teen wang gesluk
die sout sny
organe genesend
rou

en ek ken haar nie

opkrul

masochisties
vloei
ink saam
sny
parmantig
broos
haar
perdjie
van haar
see
en
seer

Scar

die een breek

tot in die moer

waar reg en instink

en verkeerd

sloer

tot in ‘n wapenstilstand

van ontnugter

se vergeefs

(‘futile’ eg meer)

dié Scar

is geen felle helle stort

teen afgrond

of wetenskaplik verklaarbare kiem.

Nee!

dié Scar

verleng versny

verdiep

verewig

terug

na ‘n ma se

Moer:

Se eie hand

timmer weg

my liefste kind
vannag
wil my traan
vir jou
geen woord
hier vind.

Timmerman:
Jy -
moet my kind
laat staan

asemruim

die donker suig my in

tot waar 'n eindelose val tref

in die spasie van ruim -

ruim op ruim

weg ruim in ruim

enige manier maar

ruim net ruimte

terug na lig

Pyn-Kloof

Die berge roep ‘n nuwe lewe

in die gawe van herinnering

Kapokbos word weer teer

met hiérdie winter verwagting

Kyk hoe raak my vingers die groen Lief:

moskartelwater loop wind-af die keer

en hange val my ewig-klouende Dood

in kalm vrede in

Brul saam die bewe

van jou verlede met my uit

Beskadu Bietjie-Lyfie

in ‘n somer-toekoms in.

Dis vreemd,

vreemd bevrydend-

En ons is nie alleen