Just a quick one no title no editing...

black he sat
shadowed
embraced by dark velvet
or was the sofa leather ?
eyed my question
silently

contemplating
truth
or veiling an answer
I tried
to not dilate my pupils
as he said
I do

I don't have a problem with it

strange...

he liked the elegant look
but still held fast to gypsy
mysteriously,
haunting

and to this day     I
wonder

eindelose ontmoeting

het jy raakgesien

hoe breek my

glas

in blou

skerp stukkend

het jy raakgesien

hoe verdof die groen

van ‘n oog

in pyn

het jy gesien

hoe water binne toe

in skerwe waterval

van blou en groen aqua wat pers in rou

rondom bitter smart,

wanhoop

onverklaarbaar gelaat in ‘n

vraagteken

hoekom kan jy nie raaksien nie?

Erkenning aan 'n unieke jong digter:

Sonder.

Mamma,

sy word soms stom

van eie woorde

wat sy se,

-sy skryf.

Mamma.

Is ‘n mens

Sonder.

Lag

om weer te kan lag

vanuit die diepste dele,
die kriewel te voel opwel
tot 'n spontane geborrel van klanke
onbelemmerd
vurig vry
sonder pretensie en denke oor hoe dit klink of lyk

net te kan lag sonder ophou

om net weer my kop teen jou bors te kan sit
en net te kan huil

pyl en boog

‘n swart pyl skiet die ontnugtering

drie maal deur brose vel

en sy bly net staan

met rug gekeer

in afwagting op ‘n lewensvonnis

wat sy nie in die oë kan kyk nie

en mý hand bind die woord aan daad

(‘n swart perd runnik in my agtergrond)

here jy is wreed

ek weet ek het jou gesmeek

maar nou is jy net wreed

hoe kán jy haar ‘n lewe gee

wat net so skielik weer verdwyn?

begin

het dit begin

toe my oë

van uitputting

en ongeduld in ander rigtings begin staar het

het dit begin

toe vreemde passie binne my kom klim

het dit begin

toe interessante nuwe wêrelde

hulself aan my vryheid

ontbloot het

het dit begin

toe te veel ander mense

die vertrek begin vul het

het dit begin

toe frustrasie al die betowering gesmoor het

het dit begin

toe musiek anders begin klink het

het dit begin

toe die gode hulle wil

op ‘n lewe geblits het

het dit begin

toe ek besef

daar is ‘n onbreekbare ander band

het dit begin

toe ons lag vergaan het

het dit begin

toe ons die dag ophou dans het

het dit begin

toe ‘n lewe kanselleer

het dit begin

toe vriendskap moes halt

Wanneer het ons einde

begin?

(my potlood se punt het gebreek) 

spel

ek weet nie
hoe
om ons lewend te hou
sonder
om ons te vernietig  nie

ek weet nie
hoe
om ons te vernietig
sonder
om ons lewend te hou nie