Bitter Letsel

 

ek het my gaan balsem in die kruiereuk van veld.

jou af gewas en weg geskaaf in bruisend vries bergwater.

jou skynheiligheid gaan vermorsel teen elke krans se afgrond rots.

daai vlymskerp tong van jou gaan uitskreeu

en gevryf tot swelblou in elke Doodstil klip.

elke  verminkte opinie en vals aanklag van jou mond

het ek uit gaan wip. Hard weg gespoeg

en onder nuwe wiel  vertrap,

verewig in ou teer en gruis.

ek het jou gaan braak en weer en weer gebraak.

ek het jou in klowe gaan verbrysel.

die natuur gevra vir hulp

met jou spoke jaag tot Niks

wat in die oggendmis kwistig uitvee, verdwyn.

ek het jou terug vermink na Nikswerdman.

eie self (en al jou ander slagoffers) weer mens gemaak.

gepleit vir nuwe vel.

because i am finally moving on.