Tragedie

(Vir L)

Ag,

my liewe borrelende sprankelkind

salig onbewus van my liefde in jou hand

Ek hoor jou lag

Voel die stille luister,

Koester

Waardeer

Vertroetel dit

Wees die troos

wat met jou onskuld

stille swye sagter draaglik maak

Elke toekomstree verbreed die gang tussen my en jou

Sien hoe fel die wind

weg van my

beskerming na jou kant oorhel

Jy wat die skoonheid raaksien in die stukkend:-

soos jou gebreekte huis

is hierdie huis van my ook nou,

val al my drome in jou liefde plat

My versoek aan jou:

Hou dit net

asseblief

vir ewig

veilig vas

(erkenning aan Hugo Meyer vir skets)